***
Napaka-classic ng interior design ng Chalsea Vandeau Restaurant. Kapansin-pansin ang touch of nature hindi lang sa mga display na halaman, bagkus ay sa mga painting na nakasabit sa pader. Napakamaaliwalas din sa loob dahil sa glass window sa paligid kung saan may view ng magandang garden sa labas.
Isang function room ang pina-reserve ni Prof. Jocelle para lahat ng member. Magkakatabi naman ang lahat ng core member sa iisang bilugang mesa.
Nanunuot sa pang-amoy ang iba't ibang putaheng nakahain sa mesa ng grupo nina Mia. Mukhang hindi lang ito nakabubusog sa tiyan, nakabubusog din ang napakaganda nitong pagkaka-present sa plato. Ang lahat yata ng specialty ay in-order ni Prof. Jocelle Zamora, kaya naman mula steak, seafood fusion at iba't ibang uri ng salads ay matitikman ni
