********
Timothy
********
Isang panibagong buwan ang sumalubong kay Timothy sa istasyon. Mas lalo pang dumami ang inaasikasong kaso ng kanilang team. Napapadalas tuloy siya sa overtime. Sa phone na nga lang niya nakakausap ang girlfriend, not unless dumalaw ito sa kaniya. Nakakauwi na lang siya sa kanila para matulog, pero kung minsan hindi na siya nag-aabala pa.
Mag-iisang buwan na ang kaso, ngunit halos wala pa rin itong kinahihinatnan. Patuloy pa rin ang pag-iimbestiga nila sa kaso ng apat na babaeng nawawala. Medyo nahihirapan na nga silang humanap ng lead. Na-stuck na sila sa pangalan ng dating may-ari ng recreational center. Ngayon, tinitingnan nilang maigi pati na ang mga dati nitong naging katrabaho o kaibigan, bakasakaling makakuha sila ng lead kung sinong posibleng kumu
