“Fire may mission ka,” bungad na wika ni Ina pagkapasok pa lamang niya sa opisina ko. Wala sa sarili akong bumuntong hininga saka tinignan ito at hinintay ang susunod niya na sasabihin.
“Need mo raw na bantayan si Mayumi Galvez, target siya ng mga Borroni dahil witness siya sa pagpatay kay Jenessa,” mahabang lintanya ni Ina. Muli akong huminga ng malalim. Lumapit naman sa akin si Ina at inilapag ang folder sa mesa ko. Kinuha ko iyon saka binuklat, agad na tumambad sa akin ang magandang babae na may chinitang mga mata at matangos na long. Manipis ang pulang-pulang labi nito at maliit ang mukha.
“Mayumi Ayra Galvez,” basa ko sa pangalan na nakalagay sa folder.
“Ang ganda niya ‘di ba? Kaso nineteen pa lang siya,” sabi ni Ina saka marahan na tumawa. Napailing ako dito at hindi na n
