“Indeed… He is the reason why the sky is blue…” Sagot ni Henry kay Reden nang may pagniningning ang mga mata habang binubuo ang imahe ni Nate sa kanyang isipan.
Pagkatapos ng kanyang tugon ay napansin nito si Reden na nakatitig sa kanya at nakangiti. Nakahalukipkip ang kanyang mga braso na tila natuhog nito ang nilalaman ng kanyang puso. Biglang umiwas naman si Henry sa tingin ni Reden at kumurap-kurap ng mabilis. Naramdaman nito ang pag-akyat ng init sa kanyang mga pisngi at kusang gumalaw ang kanyang palad upang himasin ang kanyang batok. Inubos niya ang laman ng kanyang inumin at nagbukas ng panibagong beer para mawala ang pagkabalisa nito. Ipinatong ni Reden ang kanyang kamay sa tuhod ni Henry. Napatigil si Henry sa kanyang ginagawa at tumingin kay Reden.
“I’m gonna ask you again, He
