Umalis ako ng bahay nila nang hindi kami nakapag-usap man lang nang maayos.
Bahala na muna siya. Sa ngayon ay hindi ko pa siya kayang harapin.
Dahil nahihiya ako sa lahat ng sinabi ko? Oo. At dahil na rin nasasaktan ako sa tuwing makikita ko siya dahil sa mga sinabi niya.
Kinagabihan lang ay nakita ko siya na nasa garden ng bahay namin, kung saan tanaw na tanaw lang mula sa mga bintana ko sa tuwing dumudungaw ako. Kagigising ko lang kaya naman hindi ko alam na dumating siya.
Nagbuntonghininga ako nang makita kong may mga alak sa harap niya. Sigurado akong nagpunta siya dito para makausap at makainuman ako. Sigurado akong pag-uusapan namin 'yong bagay na nangyari kanina noong nasa bahay nila ako.
Mas minabuti kong harapin na siya tutal, kahit naman kailan ay wala kaming problemang hind
