Nang makauwi ako ay nakita ko si Rex na nakasandal sa sasakyan niya. Nang makita akong naglalakad papunta sa bahay ay mabilis siyang lumapit sa akin.
"Where have you been? Kanina ka pa raw wala, ah?"
"I just...went out."
"Nang hindi nagpapaalam sa akin?"
Napairap ako sa kawalan bago siya tiningnan ng masama.
"Kailangan ba talagang alam mo lahat?" naiiritang sabi ko. "Puwede ba, Rex? Pagod na pagod ako. Huwag mo muna akong buwisitin ngayon!"
"Bakit ka na naman napagod? Saan ka na naman nanggaling?" nalilitong tanong niya na may halong pag-aakusa.
"Pinuntahan ko si Ford. Ano? Masaya ka na? At pagod ako sa byahe dahil nag-back and forth lang ako galing Davao. Ano? Nasagot ko na ba ang lahat ng tanong mo?"
Tumawa siya nang tumawa na para bang ang mga sinabi ko ang pinakanakakatawang pa
