Makalipas ang halos 30 minutes, na pinatagal ng sobrang traffic, ay sinalubong ako ni Manang Nora para pagbuksan ng gate.
"Ma'am Cassandra, buti at dumating na kayo!"
Ngumiti ako dito. "Nasaan si Tita Sheila?"
"Nasa loob, Ma'am. Kaninang-kanina pa nag-aalala kay Ford dahil ayaw nitong makinig sa kaniya."
"O sige, pupuntahan ko na muna sila, ha?"
Tumango ito sa akin at ako naman ay pumasok sa loob ng bahay nila. Nakita ko na nasa kusina si Tita Sheila at umiinom ng tubig. Lumapit ako sa kaniya, at napalingon naman siya sa akin at napangiti, tsaka ako sinalubong ng yakap.
"Tita..."
"Cassandra, pasensiya ka na sa abala." She pulled away from the hug. "Alam kong may trabaho ka pero kasi, sa 'yo lang siya nakikinig, e."
Bahagya akong ngumiti dito. "Tita, hindi ko maipapangako, pero gaga
