"Aray, ang sakit ng ulo ko," angal ni Adrian.
"Tsk, inom pa," pairap kong sagot sa kaibigan.
Alas tres na ng hapon nagising si Adrian at absent na naman ako sa trabaho dahil sa pagbabantay sa kan'ya. Hindi naman kasi pwedeng iwan ko na lang siya mag-isa rito sa condo niya na lasing. Noong nakauwi nga kami kagabi ay nagkalat pa siya.
"What happened?" he confusedly asked. Nakatingala siya sa'kin habang ako naman ay nakapamewang na tinitignan siya sa may paanan ng kama niya.
"Heh! Ewan ko sa'yo, sa susunod talaga hindi na kita susunduin. Iinom-iinom hindi naman pala kaya," saad ko.
Naglakad ako palabas ng kuwarto niya at pumunta sa kusina upang kunin ang kapeng itinimpla ko kay Adrian. Alam kong magkaka-hang over siya ngayon kaya nag-prepare na ako ng coffee and medicine for headache.
