VICTORIA
Ilang linggo na ang lumipas . . .
Lunes na naman at kailangan na namang pumasok. Pakiramdam ko tuloy ay puyat na puyat ako sa araw na ito kahit na maaga namang tinapos ni Dmitry ang usapan namin kagabi upang makatulog daw ako ng maaga at ganoon din siya. Iyon pa nga rin ang isa sa mga hindi ko natanong kagabi kung saan siya nag-aaral ngunit tatanungin ko rin siya sa susunod.
Habang sinusuklay ko ang aking buhok ay nakarinig ako ng ilang katok at alam kong si Sir Eric iyon.
“Miss Ria, nakahanda na ang agahan mo sa ibaba. Dalian mo na riyan at mukhang male-late ka sa klase mo ha,” tawag niya na agad ko namang sinagot.
“Bababa na po ako Sir Eric, saglit lang po,” sagot ko at rinig ko rin ang mga yabag niyang papaalis sa harap ng aking kwarto.
Tama siya mahuhuli na ako sa aki
