WILLIAM
Huli na nang mapansin ko ang isang note na nakapaskil sa loob ng aking sasakyan. Alam ko kung kaninong sulat kamay iyon at walang iba kung hindi si Eric. Ayon sa kaniyang maliit na note ay nagprepara pala siya ng mga gamit sa likod mismo ng sasakyan ngunit hindi niya sinabi kung ano ang mga iyon. Nagulat na lang ako nang malaman ko kung ano. Parang alam na niya kung ano nag mga plano ko at nakapagprepara pa siya ng mga ganitong mga bagay.
Hindi ko alam kung maiinis ako o magpapasalamat sa kaniya dahil unang-una ay hindi naman ako marunong magbarbeque. Nakatalikod ako ngayon kay Victoria at halata sa aking mukha ang salitang problemado dahil hindi ko alam kung tama ba itong mga ginagawa ko. Mabuti na lang din ay lahat ng mga gamit ay mayroon nakakubling maliliit na mga papel na si
