Kasalukuyang nasa kusina si Rosie at naghuhugas ng mga pinagkainan nila ng dumungaw si Rich sa kanya. Ramdam agad nito na may tao sa kanyang likuran kaya napatingin siya sa gawi nito.
"Hi!" tipid nitong sabi saka tumabi kay Rosie sa lababo at naghugas ng kamay. Hindi siya pinansin ng dalaga.
"Uy!" Pagpapapansin nito.
Pero hindi pa rin siya pinansin ng dalaga. Umakto itong walang kasama. Na para bang hangin lang si Rich.
Kumuha ng sabon si Rich saka idinampi iyon sa ilong ni Rosie na siyang kinainis nito.
"Ano ba, Rich?" suway niya.
"Ayan, papansinin mo rin pala ako, e."
"Puwede ba? Nakita mo nang may ginagawa iyong tao, nangungulit ka diyan!" Pagsusungit niya.
"Ang sungit mo na ngayon, Rosie."
Hindi muling nagsalita ang dalaga. Natahimik siya.
Paanong hindi ka susungitan, R
