Isinandal ni Rosie ang ulo niya sa bintana ng kotse at tahimik na nakatulala. Walang humpay ang pagpapabalik-balik ng tingin ni Marco sa kanya at sa daan.
"Okay ka lang ba?" nag-aalalang tanong ni Marco saka muling ibinaling ang atensyon sa pagmamaneho. Sakto lang ang patakbo niya ng kotse.
Ang totoo, bukod sa lumilipad ang utak ni Rosie kay Rich, naiilang rin siyang kasama niya si Marco ngayon. Pakiramdam niya, pinagtataksilan niya ang kaibigan niya. Ang dami niyang iniisip.
"Rosie?" ani Marco para matawag ang atensyon nito. Nagulat pa siya at napaayos ng upo. Napakurap-kurap habang nakatingin kay Marco.
"H-Ha?" wala sa sarili niyang sagot.
"Bakit ka umalis?" malamig na tanong ni Marco
Ops. Ayan, Rosie. Wala ka nang ligtas ngayon. Akala mo makakatakas ka sa mga tanong ni Marco, ha
