Maiksi lang ang buhay. Sa hindi inaasahang araw at oras, maaring matapos ang lahat.
"Kung alam ko lang na habang-buhay ka nang matutulog, Rich, sana nanatili ako sa tabi mo." Hindi na napigilan ni Rosie ang mapaluha nang makita si Rich na wala nang buhay na nakaratay sa hospital bed ilang minuto pagkatapos niyang mamatay. Nilakasan na niya ang loob niya. Kasama niya ang Tita Cherry niya, ang Mommy Cecille niya, sina Marco, Silva at Cavin.
Nanghihina siyang napasandal sa balikat ni Marco.
"He didn't suffer too much bago siya nawalan ng hininga, hija. The nurse said, natulog lang talaga siya, pero hindi ko naman inasahan na sa pagtulog niya ay hinding-hindi na pala siya magigising," humihikbing pagku-kuwento ni Aling Cherry.
Ramdam nilang lahat ang sakit nang bitawan niya ang mga sali
