"Ma'am, ididiskarga na po namin ang mga halaman at para matanim na," ani ng tauhan ko habang binubuksan ang truck na may lamang mga halaman na itatanim sa hardin ni Regis.
"Sige, unahin niyo muna ang mga rosas at mag-ingat kayo sa mga tinik," sabi ko.
Una nilang binaba galing sa truck ang mga rosas habang sinusuyod ko ang papel na hawak para ma-check kung nasa truck ba talaga ang lahat.
"Ipaalam niyo kay Engineer Cuevas na nandito na ang mga halaman at ihahatid na sa hardin para itigil muna ang construction dahil baka madaganan kayo ng kung ano habang dumadaan papunta doon," saad ko habang abala sa pagbabasa sa mga nakasulat sa papel na hawak.
Nahihiyang kinakamot ni Pedro, isa sa mga katiwala ko, ang kanyang batok. Nang wala siyang sinagot ay nag-angat ako ng tingin habang nakakunot a
