Nang gabing iyon ay dumiretso si Daneliya sa bahay ng ama. Nagulat ang mga kasambahay pero walang nagawa ang mga ito ng magpilit siyang pumasok.
"Nagpapahinga na po si sir Maxim, Mam Daneliya." Alam naman ng mga ito na ang ama lang ang pinupuntahan doon kaya kahit hindi magsabi ay alam na ng mga ito ang sadya.
"Hindi siya ang pakay ko." Gulat ito pero nagpatuloy siya. "Gusto kong makita si Yulla. Nasaan siya?"
"S-Si Mam Yulla po? Pareho po sila ni sir Maxim na nasa kwarto nila at namamahinga na." Alanganin tumingin ang katulong sa mamahaling grandfather's clock na nasa isang sulok.
Alam niya na alanganing oras na pero hindi kayang ipagpabukas ang tungkol sa nangyari ngayong gabi. Aalamin niya mismo sa bibig ng madrasta kung ito nga ba ang may pakana ng panloloob bahay niya. At kung h
