Pagkabalik ko sa loob ng classroom ko ay nakita kong nag-se-cellphone si Rika at wala akong nakitang Sir Evans. Ilang minuto na lang ay tapos na ang lunch break. Bakit wala pa siya?
"Nasaan si Sir Evans?" tanong ko at napatingin siya sa akin.
"Kumusta? Anong sabi sayo?" balik tanong niya sa akin.
Nakatayo pa rin ako at parang ayoko munang umupo nang hindi ko alam kung nasaan si Sir Evans.
"Nasaan siya?"
"Hindi ko alam, naghihintay lang ako rito."
"Tara punta na tayo sa cafeteria," sabi ko sa kaniya at tumayo na siya.
Habang naglalakad kami ay nagtanong ulit si Rika tungkol nga doon sa pinatawag ako kanina.
"Tungkol lang kay Indigo," walang ganang sabi ko.
"Hala, anong sabi sayo? Hindi ka naman mawawalan ng trabaho 'di ba?"
Tumango ako. "Oo. Bakit ba ang tagal ni Sir Evans?"
"Ayi
