Maaga akong nagising dahil no’ng narinig ko ang pagtilaok ng manok ni Tatay hindi na ako nakabalik sa pagtulog. Bigla na lang kasing pumasok sa isipan ko na mamayang gabi na pala ang pageant. Kinilabutan din ako sa sobrang kaba.
Hindi ako bumangon dahil madilim pa naman sa labas kaya binuksan ko muna ang social media ko. Binisita ko rin ang page ng school namin at nakita ko na naka post pala roon ang mga pictures naming mga candidates na kinuha noong isang araw. Maraming nag-react ng picture ko pero mas marami ang kina Criza at Eury na halos makita na ang hindi dapat makita. Hindi na talaga ako magtataka pag nakita ko ang isa sa kanila na maging model ng mga panty at ang isa star na. Basta star.
Bumalik ako sa timeline ko na puro shared post lang ang laman. Wala talagang kwenta itong acc
