(LENA'S POV
Sa pinakaunang pagkakataon ay itinulak ko siya palayo sa akin. Iniangat din niya ang mukha niya at tumitig siya sa akin na may pagtataka at puno ng katanungan ang mga mata.
Pero muli ay itinulak ko lang siya at sa pagkakataong iyon ay mas malakas na kaya napilitan na siyang umalis sa pagkakakubabaw sa akin. Taka siyang napatitig sa akin habang dahan-dahang umuupo sa kama, sa mismong tabi ko.
Bumangon na ako nang hindi siya tinitingnan at bumaba ako sa kama kahit nakahubo't hubad pa rin ako. Tumalikod ako sa kanya at nagpabaling-baling sa kung saan, basta't maiwasan ko lang ang makahulugan at malalim niyang pagkakatitig sa akin.
Ito na ang kinakatakutan ko. Ito na ang matagal ko nang iniiwasan na mangyayari sa amin, ang mapunta kami sa sitwasyon na mapipilitan na akong sabih
