LUISEE
Saktong alas-singko ay nagising ako. Malapit naman sa amin ang hotel pero kinasanayan ko na ang gumising ng mas maaga. Bago kasi ako umalis ay nagluluto muna ako ng almusal ni tatay at Lance.
Sinulyapan ko ang magkatabing si Lance at tatay. Nakayakap si Lance kay tatay. Mahimbing na natutulog ang mga ito.
Minabuti ko na lang din ang matulog sa lapag dahil si tatay ang nakahiga doon. Mabuti na lang at may extra kaming kutson at iyon ang nilatag ko sa sahig.
Pumasok sa isip ko si Haru. Iniisip ko kung nakaalis na ba siya. Gusto ko silipin ang kwarto ni tatay kung saan ito natutulog ngunit minabuti ko na lang na hindi gawin iyon. Siguro naman ay umalis na s'ya dahil iyon naman ang sinabi niya.
Paglabas ko ng kwarto ay nag-iinat pa ako ng aking katawan at humikab. Matagal akong
