TATLONG BUWAN ANG NAKALIPAS ..
"Bes!"
Sunod-sunod na katok ang nagpalingon kay Elena.
"Nandiyan ka ba sa loob?" tanong ni Laila.
Isang buntong-hininga ang pinakawalan niya at matamlay na naglakad patungo sa pintuan.
Bumungad sa kanya ang matamis nitong ngiti. Hanggang sa hinawakan nito ang kamay niya at tumalon-talon ito na parang kinikilig.
"Good news!"
Kumunot ang noo ni Elena.
"Talagang pumunta ka pa rito para lang sa ibabalita mo?" wika niya.
Ngunit lalo lang lumuwang ang ngiti sa mga labi nito. Pati yata mga mata nito, nangingislap! Umupo siya sa sala na siyang ginaya nito.
Hinawakan pa nito ang kanyang kamay. Matamlay naman niya itong tinitigan. Hindi pa rin siya magaling at ilang araw na siyang nilalagnat.
Ilang Linggo na siyang nanghihina at hindi niya matanggap a
