MUNTIK nang tumalikod si Elena nang makitang nasa sala ang lalaking si Henri. Sa mismong bahay ng mga Del Fio.
May dala siyang ulam para kay Ma'am Zasha. Kung hindi lang siya napansin ni Sir Christopher, talagang mapipilitan siyang umuwi.
Isang tipid na ngiti ang sumilay sa mga labi ni Elena at bahagya ring yumuko sa lalaki. Wala siyang nagawa kun'di ang lumapit sa mga ito.
Gusto na naman niyang mailang at mapairap at sa gilid ng kanyang mga mata, nakatingin na naman sa kanya ang gurang!
"Ah, Sir Christopher, iyong ulam po para kay Ma'am Zasha.." magalang niyang wika, habang nakayuko.
Pagkatapos nitong magpasalamat narinig naman niya ang pabulong na wika ni Henri.
Ang bait-bait niya raw sa ibang tao!
Hindi niya ito pinansin, bagkus magalang na nagpaalam kay Sir Christopher. Pag
