"ELENA!"
Napangiti si Elena nang masaya siyang niyakap ni Belenda.
"Salamat, Elena at napakiusapan mo ang nobyo mo. Hindi ko akalaing bilyonaryo pala ang boyfriend mo!"
Pumitik-pitik pa ang mga daliri nito sa kamay. Napapangiti na lang si Elena habang pinagmamasdan ito.
Hanggang sa hawakan nito ang palapulsuhan niya at umupo sila malayo sa ibang naroon.
"Si Henri Augusto ba talaga ang nobyo mo, Elena?"
Napangiti si Elena. Halata kasi ritong hindi makapaniwala. Ngunit kitang-kita ang saya sa mukha nito.
Marahan siyang tumango na siyang ikinatili nito.
"Ang suwerte mo naman pala! Isang sikat at bilyonaryo ang nobyo mo!" kunwa'y pa itong umirap.
Nang bigla itong sumeryoso.
"Mabuti na lang talaga, napakiusapan mo siya, Elena. Kung hindi, talagang mawawalan kami ng trabaho at is
