THE BILLIONAIRE'S DOWNFALL
CHAPTER 60
Lunaʼs Point of View
Mugto ang mga mata ko kinabukasan dahil pag-iyak. Ang sikip-sikip din ng dibdib ko't para itong pinipiga sa sobrang higpit. Hanggang ngayon, 'di ko pa rin maintindihan ang lahat.
Bakit ganoon? Bakit ganoon kabilis ang lahat? Bakit hindi ako pinakinggan ni Khalil?
Ang dami kong tanong. Pati sarili kong mga mali'y kinukuwestiyon ko na rin. Bakit pa ba ako nabuhay? Bakit hindi na lang ako pinalaglag ng mga totoo kong Ina nang malaman nitong pinagbubuntis niya ako?
Ang gulo-gulo na ng isipan ko. Ang gulo-gulo na ng buhay ko't mas gusto ko na lang maglaho rito sa mundo.
May Diyos ba? Bakit niya ako pinapahirapan ng ganito?
Napatayo ako nang may dumating na Pulis dito sa aming selda. Maging ang mga kasamahan ko'y napatingin din d
