FELICITY
Lumipas ang ilang oras at habang lumalim na ang gabi ay lalo akong nag-alala. Inaantay ko ang pagbabalik ni Calib. Hindi ako mapakali at hindi ako sanay nang wala akong ginagawa sa mga ganitong pagkakataon lalo pa't nasa kamay ni Lara si Seri.
Maghahating gabi na ngunit hindi pa rin bumabalik si Calib.
*dingdong*
Hindi na ako nag dalawang isip pa na buksan ang pinto nang marinig ko ang tunog ng doorbell sa pag-aakalang si Calib na 'yon ngunit iba ang bumungad sa akin.
Hindi ko sila kilala. Hindi ko batid kung saang grupo sila nabibilang ngunit alam kong kalaban sila.
Mabilis silang nakapasok sa loob ng bahay. May mga armas sila ngunit bago pa man nila ito napaputok ay nauna na muna silang natumba.
Wala pa sa sampung minuto ay naubos ko na sila ngunit may bago na namang
