Nagising siya habang nakaupo at kayakap ang bag niya dahil ginigising siya ni Kuyang Guard.
"Miss."
Marahan naman siyang nagmulat ng mga mata niya at kita niyang nakangiti ito sa kan'ya habang may hawak na isang kape at tinapay.
"Kumain ka na muna, para naman may lakas ka habang hinihintay mo si Sir Elliot. Alam kong mahalaga ang pakay mo sa kan'ya." Nakangiting sabi ng guard sa kan'ya.
Maluha-luha naman siya nang tanggapin ito. "Kuya, maraming-maraming salamat po. Mahalaga lang po talaga ang sadya ko sa kan'ya," seryosong sabi niya rito.
"Naiintindihan ko. Mabait naman iyang si Sir, medyo mailap lang sa mga magagandang babae," biro pa nito. "Sige na kainin mo na iyan."
Pagkatapos niyon ay umalis na ito para umuwi. Panggabi raw kasi ang duty nito roon.
Nang tumayo siya ay medyo n
