NANG malaman ng iba ko pang kaibigan ang pagkawala ni Marco ay nagkita-kita kami isang araw sa bahay ni Mariz. Doon ay pinag-usapan namin ang mga maaaring dahilan ng biglaan at misteryosong pagkawala ng isa naming kaibigan. At isang dahilan lang ang sinang-ayunan ng lahat… Ang multo sa lumang bahay ang may gawa ng pagkawala ni Marco. Bagaman at medyo duda ako ay hindi na lang din ako nagsalita. Nag-aalala rin naman ako para kay Marco kung ano na ang nangyari sa kanya. Gusto ko na rin na makita kung nasaan na ba siya talaga.
Kaya naman ng araw din na iyon ay nagpatawag kami ng isang ispiritista na kakilala ni Rex.
Nasa kwarto kami ni Mariz at nakaupo sa sahig ng pabilog. Magkakapit-kamay kaming lahat at nakapikit.
May dinadasal iyong ispiritista na kung anu-ano at maya-maya ay nagsalita
