MABILIS na kumilos si Twinkle. Inalalayan niya si Jesselle sa pagtayo nito dahil parang hindi pa ito tuluyang bumabalik sa sarili nito. Talagang gulat na gulat ito na wala na si Jasper. Kung pwede nga lang na buhatin na niya ang kapatid ay ginawa na niya dahil ang bagal nitong kumilos. At talagang hindi nito binitawan ang pugot na ulo ni Jasper. Yakap-yakap pa iyon ni Jesselle na parang isa iyong kayamanan.
“Ate! Bitiwan mo na 'yan!”
“Ayoko! Isasama ko si Jasper sa pag-alis natin!”
Hindi na lang muna iyon inintindi ni Twinkle. Pagtingin niya sa lalaki ay bumababa na ito at kung hindi pa nila bibilisan ay maaabutan na sila. Mabuti na lang at nakasakay na sila ng bangka. Ngunit hindi niya alam kung paano iyon papaandarin. Wala namang ginawa ang kapatid niya. Nakaupo lang ito at tila baliw
