MAARTENG isinuot ni Jesselle ang sunglasses niya bago siya sumakay ng bangka na siyang sasakyan nila para sa island hopping na gagawin nila ng nakababatang kapatid niya na si Twinkle at ang katrabaho niyang si Jasper sa isang call center. Isang binatang bangkero na nakilala nilang si Jayvel ang siyang maghahatid sa mga isla na pupuntahan nila. Ito na rin ang magsisilbing tour guide nila.
Matapos maisakay lahat ng gamit nila sa bangka ay umandar na iyon.
Katabi ni Jesselle si Jasper sa upuan habang si Twinkle naman ay mag-isa sa kabilang dulo ng bangka. Panay ang sulyap niya ng palihim kay Jasper. Gusto niya kasi ito ngunit nahihiya siyang sabihin dahil baka kapag ginawa niya iyon ay isipin nito na desperada siya. Ayaw naman niya na sumama ang tingin nito sa kanya. Nang magtama ang mga ma
