Nagsindi ako ng sigarilyo at humithit nang malalim. Iginala ko ang paningin ko sa oval na kinaroroonan namin ni Clem. Maraming grupo ng estudyanteng nagkukumpulan. Ang iba ay naggo-group study, ang iba ay masayang nagkukuwentuhan. Napatingin ako sa parte kung saan kami laging nagpi-picnic ng anak ko. Doon din kami nagpraktis ng harana para kay Makie. Noon. Noong mga panahong kasama ko pa sila. Kailan ba ako huling umapak sa parteng iyon ng oval? Hindi ko na halos maalala.
“Magtatatlong taon na mula nang huli mo silang makita. Hindi mo pa rin ba tanggap? Hindi ka pa ba makapag-move on sa mga nalaman mo?” Napangisi ako nang walang buhay.
“May karapatan pa ba akong mag-move on, Clem?” Puno ng pait kong balik-tanong sa kanya.
“Nasa iyo ang lahat ng karapatan, Flame.” Pangungumbinsi niya sa
