Ako na yata ang pinakakabadong nilalang ng Diyos sa mga oras na ito. Ilang ulit na bang umikot ang rosaryo sa kamay ko habang naghihintay na matapos ang operasyon ng anak ko? Hindi ko na maalala. Ang tanging nasa isip ko lang ay ang magdasal para sa kaligtasan ng anak ko at para sa tagumpay ng pagdaraanan nyang operasyon.
Descemet Membrane Endothelial Keroplasty o DMEK. Isa sa pinakamodernong operasyon para sa kaso ng mga mata ni Mac-mac. Nalaman ko lang ang lahat mula sa doktor ng anak ko na si Flame ang gumawa ng lahat ng paraan upang makakuha ng donor at maoperahan sa lalong madaling panahon ang anak ko. Dalawang doktor pa mula sa UK ang dumating kagabi para tumulong sa operasyon kaya nakakasiguro silang magiging maayos at matagumpay ang gagawing operasyon. Sinubukan kong tanungin kung
