Agad akong nagkalakas ng loob. Nagprepara sa anumang maaring mangyari. Napayuko kami ni EJ at nagtago sa kumot nang tuluyang bumukas ang pinto. Nakita ko mula sa baba ang isang pares ng paa. Nakahinga ako ng maluwag dahil iisang tao lamang ang naroon. Kaya na siguro namin ni EJ iyon.
Naglakad ang lalaki palapit sa kinaroroonan namin. Sinenyasan ako ni EJ na humanda sa pag-atake. Sinabi niyang siya muna kaya hinayaan ko siya.
Nang makalapit ang lalaki sa kinaroroonan namin, umikot si EJ. Tamang tama na hindi siya nakita. Pero ayun nga, ako ang naaktuhan niya doon na nakatago.
"Ka-suwerte ko talaga! Ako ang nakahanap sa iyo!" ikang nakangisi ni Gerald.
Nagpeace sign ako sa kanya at aktong tatayo. Nakatutok sa akin ang isang baril na hawak niya. Bago niya ako mahawakan, nakatutok na rin
