"Now! Tell me, anong mga kondisyones mo sa gagawin nating pagpapanggap?"
Tumitig ako sa papel na hawak ni EJ. Napagkasunduan namin na magsulat ng kondisyon. Mga dapat at hindi dapat gawin.
"Ikaw na mauna. Tutal ikaw naman ang attorney," sagot ko. Pero pinapauna ko lamang talaga siya.
Tinaasan niya ako ng kilay.
"No, you first. Saka na ako."
Napanguso ako. Abogado nga talaga ang taeng ito. Ayaw patalo. Sige. Ano nga ba ang dapat ilagay ko roon?
"Una, dapat sweet ka sa akin kapag nakaharap tayo sa mga tao." Kumunot ang noo niya dahilan para irapan ko siya. "Alangan naman parang tuod ka lang? Ano tayo estatwa? Siyempre dapat naglalambingan tayo. Kaya nga tayo magpe-pretend, 'di ba?"
Hindi siya umimik kaya nagpatuloy ako sa pagsasalita.
"Pangalawa, hindi lang ikaw ang puwedeng gamiti
