Kanya-kanyang trabaho. Pero dapat naman, tinetext ako ng taeng si EJ hindi ba? Pero wala!
"Busy kaya iyong tao. Panay-panay ang meetings. May malaking kasong hawak kasi," ayon kay Glenna noong hindi na ako makatiis na magtanong.
Bukas na rin kasi ang reunion ng batch namin na dapat ay daluhan naming dalawa. Hinihintay ko rin ang text niya dahil kahit naman sabihin niyang sumubok kami, ayaw kong gawin ang gaya ng dati na sobrang clingy at mapaghanap.
"Nag-boyfriend ka kasi ng isang lalaking walang time. Eh kung nanatiling ka na lamang na single, maayos pa."
"At ano? Inggit sa iyo?"
Inirapan ako ni Glenna. Habang ako naman ay kinuha ang aking telepono at balak i-text si EJ.
Nagtitipa pa lamang ako nang matigil. Kaya binura ko ulit ang nai-type ko na. Bahala na kung sisiputin niya ako o
