Muli kong pinasadahan ang aking sarili sa salamin. Ang masasabi ko lamang ay ...perpekto!
Perfect ang ginawa kong panggagaya sa clone ko at nasisiguro kong hindi ako makikilala ng asawa kong si EJ kapag dinalaw ko siya sa kanyang opisina.
Wala ang kambal at na kila mader at fader Earth kaya naman may panahon akong maglakwatsa. At ang una kong pupuntahan? Ang aking asawa bilang si Clone.
Bumaba ako at nakita ko kung paano malaglag ang panga ni Bruno. I know right! Sobrang nakakalaglag ng panga ang kagandahang taglay ko.
"Miss, may pupuntahan ka ba?" tanong ni Bruno sa akin pagkababa ko sa hagdan.
Nagtaka ako. Bakit parang nakilala niya agad ako. Hindi ko nga nakilala ang sarili ko sa salamin kanina, siya parang mabilis lang.
Lumapit ako kay Bruno at bumulong. "Nakilala mo ako?"
Napak
