GEORGE's POV
Kahit anong pilit kong iwaksi sa aking isipan ang bahaging iyon ng aking nakaraan, ng aking kabataan, ay parang nananadyang nagpatuloy pa rin ito sa pag-uukilkil sa aking isipan.
Mga ilang sandali pa ay napansin kong iniabot na ng ama kong si Alfredo sa tindera ang bayad para sa isang tangkay ng rosas at maya-maya ay nasa kamay na ni Jessica, ang anak ng tindera, ang bulaklak. Ang bulaklak na pinili ni Daddy para sa hiniling kong isang bulaklak na bilhin namin. Hindi ko alam pero nahulaan agad ng ama ko kung para kanino ko gustong ibigay ang hiniling kong bilhin naming bulaklak.
Parang naluluha si Jessica nang hawakan at amuyin niya ang rosas. Muli siyang tumingin sa akin. Pareho kaming namumula nang mga sandaling iyon.
Hanggang sa maglakad na kami ni Daddy pabalik ng amin
