CADMUS'POV
"Oh? Anyare sayo nak at mukhang kang pinagsakluban ng langit at lupa? Kumusta ang trabaho?" salubong sa akin ni nanay pagkapasok ko sa bahay namin. Nasa sala na sila ni Sena at nanunuod ng palabas sa tv nang dumating ako.
"Teka ipaghahanda kita ng hapunan." sambit ni nanay at akmang tatayo na sa kinauupuan.
"Huwag na po nay, tapos na akong kumain." mahina kong sagot at pabagsak na umupo sa tabi ng nanay ko.
"Kuya, bakit ka malungkot? Nag away ba kayo ni ate Nat?" napabaling ako sa kapatid ko nang inosente siyang magtanong.
"Ha?! Bakit? Ano na namang ginawa mo, Cadmus?!" bulalas ni nanay at matalim akong tiningnan. Napabuntong hininga na lamang ako.
"Hindi kami nag away, nay. Pumunta kasi kanina si Mayor Kreios at kasama niya si Vanessa sa pwesto ni Mang Emilio." mahin
