"Tiago," tawag ni Jimelyn sa kasintahan.
"Mahal." Naluwang ang ngiting iginanti ni Tiago rito. "Mahal ko. Nakita na ulit kita. Kay tagal kong hiniling ang araw na ito."
"Salamat naman at dumating ka. Kanina pa ako naghihintay rito," sambit ni Jimelyn. Nasa gitna sila ng malawak na taniman ng mga bulaklak. Iba't ibang uri at kulay ang mga iyon. "Nasabik ako nang husto sa pagtatagpo nating ito."
"Bakit mo ako pinatawag dito?" tanong niya. "May problema ka ba?"
"Nais kitang makasama kahit dito lang, hanggang sa mahuli na siya," sagot ng babae. Pumitas ito ng isang hindi pamilyar sa kaniya na bulaklak. Marami itong talulot. Isa-isa nitong inalis ang talulot niyon. "Isa, dalawa, tatlo," bilang nito.
"Ano ang ibig mong sabihin?" naguguluhang tanong niiya.
"Mahuhuli na siya bago maubos ang
