Gabi, nagsimula na ang company beach party. Nakarating na ang halos lahat ng empleyadong nag-confirm na dadalo sila sa outing. Nagkakasiyahan ang lahat sa cottage at sa palibon ng bonfire. Nagsasayawan at umiinom ng alak, kani-kaniyang partner ang lahat.
Maraming pagkain ang handa, sobra-sobra para sa maraming empleyado na dumalo sa party. Mahigit walumpu rin siguro kami na naroon, base na rin sa masterlist.
Masaya kong pinagmamasdan ang mga katrabaho ko habang nakaupo ako sa sirang puno na nakalatag sa buhanginan. Kampante ako na walang magagawa ang stalker ko sa akin kung narito man siya. Maraming tao sa paligid at imposibleng walang makakita sa kanya.
"Here," pukaw ni Julian. Inabutan niya ako ng isang baso ng red wine. Umupo ito sa tabi ko.
"Salamat." Kinuha ko iyon saka nilagok an
