Tila ang gaan ng pakiramdam ni Vexie, nang mga sumunod na araw dahil sa mga magagandang nangyayari sa kanila sa pagitan ni Leon. Hindi niya maipaliwanag ang mga nadarama, bago sa kanya ang mga emosyong tila umaapaw sa kanyang puso.
"Mukhang ang ganda ng bukas ng mukha natin diyan ha?" Iyon ang ang salitang bumungad sa dalaga nang bumaba siya ng araw na iyon. Ito talagang si Annie, aga-aga e halatang may balak na naman mang-asar.
Lumapit siya sa may lababo at naghanda ng kanyang kape. "Lagi naman maganda ang gising ko," sagot niya sa kaibigan na hindi niya nililingon ito. Naramdaman niya ang pagtabi nito sa kanya at nameywang.
"Hindi e. Parang iba talaga ang gising mo netong mga nakaraang araw. Parang ano, parang ano..." anito na tila iniisip ang susunod na sasabihin dahil nakalimutan n
