Dumating ang araw ng kaarawan ni Alexus. Kaya ngayong umaga maagang nagising si Vexie upang siya ang unang babati sa alaga. Nang makarating sa silid ni Alexus, tila nasa kasarapan pa ito ng tulog. Marahan niyang nilapitan ito sa kama at umupo sa gilid nun. Pinagmasdan ang alaga na payapang natutulog...
Hindi niya ginising ito, muli siyang tumayo at bumaba sa kusina upang maipagludto si Alexus ng almusal. May in-order na siyang cake kahapon pa para dito na galing sa pera niya.
"Ako na ang magluluto sa almusal ni Alexus, Luisa," paalam ng dalaga sa dinatnang si Luisa na nasa kusina. Nilingon siya nito at ngumiti.
"Ikaw ang bahala, Vexie. Sakto hindi pa ako nakakasimula," nakangiti nitong sabi na ginantihan na lamang niya ng ngiti at nagsimula nang maglabas ng mga kakailanganin niya sa pa
