Heto na nga. At dumating na ang pinakahihintay namin ni Jeff. Maging ganap na kaming mag-asawa. May ngiti sa aking mga labi habang papalapit ako sa harap ng altar at na roon naghihintay ang lalaking labis kong minamahal.
Walang pagsidlang ang tuwa ng aking puso. Akala ko'y hindi na mangyayari ang lahat ng ito at hanggang pangarap na lamang ang lahat. Kaya nga laking tuwa ko nang mapag-alam kong mahal din ako nito.
Paglapit ko sa lalaking magiging asawa ko'y agad nitong iniabot ang aking kamay. Dinala pa nga nito iyon sa kanyang bibig upang halikan ang likod ng palad ko.
Lumapit kami sa harap ng altar upang simulan na ang pag-iisang dibdib namin ni Jeff. Walang pag-alinlangan akong sumagot sa lahat ng katanungan ni Father. Ganoon din man ang aking mahal.
Nang matapos ang kasal ay isang
