Kaya lang habang tumatagal ang yakap nito sa akin ay nagmamalikot na rin ang kamay ni Jeff. Maliksi ko naman itong inawat baka kasi biglang pumasok dito sa lola Asyang at makita ang ayos namin.
Mayamaya nga'y biglang kumatok si lola Asyang. Kaya agad akong umalis mula sa pagkakayakap mula sa aking asawa.
"Hija, maiiwan ko muna sa 'yo si baby Jax at ako'y magluluto muna," saad nito sa akin. Nakangiting kinuha ko rito ang aking anak. Tila tuwang-tuwa naman si baby nang buhatin ko ito.
Inilapit ko rin ito sa ama niya. Kahit masakit ang braso ay kinuha naman ito ni Jeff. Maliligo muna ako. Lalo at medyo marumi ako dahil sa pagdapa namin sa lupa kanina noong pagbabaril kami Jeff.
Alas-otso ng gabi at katatapos lang namin kumain ng hapunan. Nandito ako sa kusina para maghugas ng plato. Inako
