ALAS-OTSO NG GABI nag-iisip ako kung pupunta pa sa kwarto ni Jeff. Baka kasi tuluyan na akong makita nito. Ngunit sadyang makulit ako. Kaya maingat akong bumangon.
"Bettina, huwag mong sabihin na pupunta ka na naman kay Jeff? Baka tuluyan ka nang makita niya," paalala ni lola Asyang sa akin.
"Mag-iingat po ako lola. Saka sisilipin ko lang siya," mahina kong sabi rito.
"Siya sige, basta mag-iingat ka," bilin niya sa akin.
"Babalik po agad ako lola. Sisilipin ko lang siya," anas ko. Tumango naman siya sa akin. Kaya naman tuloy-tuloy akong lumabas sa kubo. Papunta na sana ako sa malaking puno nang marinig kong may nag-uusap sa harden. Kaya naman maingat akong humakbang upang alalim kung sino ang mga iyon.
Mula sa liwanag ng ilaw na nanggagaling sa poste ay nakikita ko ang dalawang tao na
