Matuling lumipas ang araw at buwan. At tatlong buwan na rin ang baby ko sa aking tiyan. Wala na akong masabi kay Jeff. Sobrang maalaga nito. Lagi rin itong nasa tabi ko.
Ngunit ngayong araw ay parang nagtatampo ako. Kasi hindi man lang ako isinama sa bayan. Ang katwiran nito bawal daw akong maglalakad iyon ang bilin ng doctor. Kaya ito ako ngayon parang tanga sa kahihintay sa aking asawa.
Lumipas ang mahabang oras. At sa awa ng Diyos ay dumating na rin si Jeff. Alam kong sasakyan niya ang dumating. Tatayo na sana ako mula sa aking pagkakaupo nang mamataan kong kasama nito si Fellyn. Ang masama pa'y nakahawak sa braso nito ang babae.
Hindi man lang sinaway ito ni Jeff. At hinahayaan lamang na hawak-hawak siya ng babaeng iyon. Kaya naman lalong hindi maipinta ang mukha ko. Tumayo na lama
