Kahit naman masama ang trato nila ni Margot sa isa’t isa ay mami-miss niya ito. Malungkot pa mandin ang kanyang mundo kapag walang kontrabida.
Natatawang inakbayan siya ni Dean at ihinilig ang ulo niya sa balikat nito. “War freak ka talaga. Mabuti pa, matulog ka na. May book launching ka bukas.”
Ipinikit niya ang mga mata at sinamyo ang pabango nito. animo’y lumilipad ang utak niya nang maamoy iyon. Lalo siyang inantok.
“Dean,” usal niya. “Ipaghele mo ako.” Iniyakap niya ang kamay sa baywang nito kaya’t halos magkadikit na ang mga katawan nila. Matagal na siyang hindi nakakapaglambing dito.
Natatawang binaklas nito ang pagkakapulupot ng braso niya. “Steffi,” may pagbabanta ang tono nito. “Tigilan mo na ito.”
“Bakit? Wala naman akong ginagawang masama, ah! Hindi naman kita hina-harass
