Cute Little Love
“BRING out one-fourth sheet of paper,” samu’t-saring reklamo ang narinig ni Collen mula sa mga kaklase niyang hindi nagdadala ng papel pero nakakapagdala ng pulbo at lipstick. Ang subject nila ngayon ay math. Ang teacher pa naman nila ngayon ay may pagka-moody na kung minsan babatiin palang nila ay magpapalabas na ng papel para sa quiz.
“Aray!” napalingon sa likod si Collen nang maramdaman niyang may sumipa ng kanyang silya. Napahinto naman siya nang namataan niya si Jayce roon. Normal na palipat-lipat ito ng upuan dahil wala siyang permanent seat kaso hindi niya inaasahang ang napiling upuan nito ngayon ay sa likuran niya.
“Pahingi ng papel…” mahinang sabi nito. Hindi naman nagsalita pa nang kung ano si Collen kumpara kapag iba ang manghihingi at binigyan niya si Jay
