HALOS wala ng kirot ang sugat ko sa tuhod sa nakalipas na ilang araw. Effective ang pampahid na gamot na nirekomenda ni Sir Jester. Sa loob ng ilang araw ay naging maasikaso si Zein sa akin. Kaunting kilos ko lang ay nakaalalay na siya agad. Para akong galing sa operasyon kung ituring niya. Kahit na dumating na sina mama at Tito Louie ay siya mismo ang personal na naglilinis at naglalagay ng gamot sa sugat ko. Nagsawaalang-kibo na lang ako kahit nahuhuli ko ang mapanuring tingin ni mama. Tila may ibig siyang ipakahulugan sa uri ng titig niya habang inaayos ni Zein ang bandage sa tuhod ko.
Dumating ang weekends. Nag-aya si mama na mamasyal kami. Bago pa niya ako sabihan ay nakabihis na pala sina Tito Louie at Zein. Tiinungo ko naman ang silid ko at hindi ko namalayang nakasunod pala sa aki
