Maagang umuwi ng bahay si Minandro dahil napansin niya na parang malungkot si Elora kanina pag-alis niya, nagtanong kasi ito sa kanya na kung saan siya kakain ng dinner. Gusto daw kasi nito na kasabay siya hindi naman lamang daw sila nakakapag-usap at hindi rin sila nagkakasabay kumain.
Nagtanong pa nga ito sa kanya kung iniiwasan ba niya ito, ayaw naman niyang sabihin dito ang totoo kaya naman nagdesisyon siya na umuwi ng maaga sa bahay para makasabay ito na kumain sa hapon.
"Manang nasaan po si Elora?" Tanong niya kay Manang Gina na sumalubong sa kanya pagpark ng sasakyan.
"Nasa taas lang po siya sir, ah kanina pala po nag pumilit siyang pumasok sa silid ninyo. Pero ayaw ko po nga sana kasi kabilin-bilinan ninyo na walang papasok doon. Na hayaan na kayo na lamang mag-aayos ng mga d
