"Elsa, ano ba ito? Pangalawang beses na ito pero hindi mo pa rin tiningnan nang maigi ang mga papeles!" hiyaw niya kay Elsa nang may makita na naman siyang mali sa contract na pipirmahan niya sana.
"Ay sorry, Boss wait lang ha!" sambit nito sabay kuha sa papeles na inabot niya rito.
Napakamot siya ng ulo. Akala niya kapag papasok siya ngayong araw sa trabaho ay ayos na ang lahat at puro pirma na lamang ang gagawin niya pero itong si Elsa eh parang walang focus lately sa trabaho. Kaya palaging late ang lahat ng mga papeles nila. Hindi niya mapigilang mairita.
Nang pumasok uli si Elsa ay dala na ulit nito ang bagong printed na papeles at inilatag iyon sa mesa niya. Muli niyang sinuyod ang mga papeles at mabuti na lamang ay inaayos na nito.
Pagkatapos pirmahan ang mga papeles ay tumayo
