“ARAY...” Igik ni Cedrick nang idampi ni Lorena sa sugat niya sa gilid ng ulo ang bulak na may alcohol. “Dahan-dahan naman, mama.”
Imbes na mag-ingat ay pinagdiinan pa nito ang paglapat ng bulak kaya napausog siya rito palayo. “Dapat lang sa iyo `yang bata ka!” Irap ni Lorena.
Magkatabi silang nakaupo sa sofa at nililinisan nito ang maliit na sugat na natamo niya nang maumpog siya sa gilid ng center table. May nakapatong na flower vase doon at nabasag. Sandali rin siyang nawalan ng malay dahil sa pagkakaumpog.
Kanina kasi, matapos ang hapunan ay nakaramdam siya ng pagkainip. Lumabas siya nang hindi alam ng mga kasama niya sa bahay at dinala siya ng mga paa niya sa isang bar. Nag-table siya ng isang magandang babae para meron siyang makasama at makausap. Malungkot ang uminom ng m
